Pagmuntar og high dams, gikinahanglan aron makunhoran ang epekto sa pagbaha-NIA

Gipahayag sa National Irrigation Administration (NIA) ang panginahanglan sa mas daghanang high dams aron makunhuran ang epekto sa grabeng pagbaha, homan sa epekto sa typhoon-enhanced southwest monsoon.

Giklaro ni NIA Administrator Eduardo Guillen, dili ang pag-awas sa tubig sa mga dam ang hinungdan sa pagbaha sa pipila ka lugar sa Metro Manila ug Bulacan.

Dugang gipahayag sa opisyal nga bisan kanus-a, dili mamahimong dautang epekto kung magbaton ug high dams gumikan kay ma-regulate kini ug makontrola usab ang dagan sa tubig.

Mapuslan ang high dams gumikan kay dili lamang sa pagseguro sa water supply sa irigasyon apan lakip na ang flood management, gumikan kay mamahimong magpagawas ang regulators sa tubig isip pagpangandam sa mga bagyo.