DAVAO CITY – Nasubo si Bayan Muna Party-list Representative Atty. Carlos Zarate nga sa kadaghan sa mga minerales sa nasud sige lamang gihapon sumala pa ug angkat ug mga produktop ang nasod sama lansang, cellphone ug uban pa nga mga produkto diin ang mga minerales nga gihimo niini naggikan dinhi sa Pilipinas.
Sumala pa kang Zarate nga sa ilang pagduaw sa Benguet diin 60 hangtud sa 80 ka tuig na nga nagpadayon ang pagmina apan pabilin lamang gihapon nga kabus ug padayon nga naningkamot nga makakaon maka-tulo ka higayon matag adlaw ang mga residente sa dapit.
Nagkahulogan kini nga nabiya-an ug wala madala sa kalambo-an ang mga residente sa dapit bisan pa kung abunda sa minerals ang ilang dapit.
Kahinumduman nga gi-suportahan ni Bayan Muna Parth-list Representative Carlos Isagani Zarate si Department of Environment and Natural Resources (DENR) Sec. Gina Lopez may kalabotan sa pagpasira sa pipila ka minahan sa nasud gumikan sa kadaut nga namugna sa kinaiyahan labi na sa watershed.
Sumala pa ni Congressman Zarate nga angayang hulipan na ug bag-o ang framework sa pagmina.
Labi na nga kaniadto labihan ang pangabuso sa dagkong kumpanya ug wala gatamod sa balaud may kalabotan sa kinaiyahan.
Kinahanglan sumala pa nga masabtan sa tanan ang gihimo karon sa kalihim sa DENR sa pagpasira sa pipila ka mga minahan tungod nakita sumala pa niini ang hatod nga kadaut sa dili ma-inampingon nga pagmina.
Sakto lamang sumala pa nga nalantawan kini sa pagkakaron kay kung muluntad sumala pa kini basin ug unsa na ang dangatan sa katawhan labi sa atong kinaiyahan.
