DAVAO CITY – Nagtuo ang mga sakop sa kapulisan nga inside job ang nahitabo diin gisulod sumala pa sa wala mailhing suspek ang balay sa usa ka municipal councilor ug gikuha ang iyang safety box nga gi-undan sa salapi ug mag mahalon nga butang.
Una ng nagpatala sa iyang reklamo ang biktima nga si Jose Tabunag, 62 anyos, minyo, municipal councilor sa Sulop Davao del Sur ug residente sa Purok 2 Brgy. Paleleng sakop sa nahisgutan nga lugar.
Sa imbestigasyon nga gipahigayon sa otoridad, wala sumala pa naguba ang safety box inay narekober lamang kini sa gawas sa panimalay sa biktima nga gi-ablihan gamit lamang sumala ang kaugalingon nga susi niini.
Malampuson nga natangag ang salapi nga kantidad sa P50 mil ka pesos, dokumento, mga alahas ingon man ang cellphone nga kantidad sa P5,000.
Gipalawman pa karon sa kapulisan ang imbestigasyon aron nga masayran ang suspek sanglit nasayod sumala pa kini kung asa ang susi sa maong safety box.
