Nakalusot na sa KAMARA ang pagpalugway sa termino sa mga opisyal sa SK ug sa Baranggay.
Sa gipahigayon nga pagboto adunay 153 ang mipabor, 4 ang supak, ug 1 ang nag-abstain.
Tungod niini naaprubahan na sa ikatulo ug pinal nga pagbasa sa House of Representatives ang House Bill 11287 kon sugyot nga pagpalugway sa termino sa mga opisyal sa Barangay ug Sangguniang Kabataan (SK).
Ilawom sa maong sugyot nga gidugangan sa Kamara ubos sa pamuno ni Speaker Ferdinand Martin Romualdez, ang termino sa mga opisyal sa barangay ug SK nga palungtanon gikan sa tulo (3) ngadto sa unom (6) ka tuig sugod sa alas-12 sa udto sa Hunyo 30, 2029.
Sa mga Pangunang Provisyon sa House Bill 11287: Ang mga barangay officials mahimong makasilbi og duha (2) ka termino lamang. Ang SK officials limitado lamang sa usa (1) ka termino.
Samtang ang mga nakadaug sa Barangay ug SK elections niadtong Oktubre 30, 2023, magpabilin sa puwesto hangtod sa sunod nga synchronized elections sa ikaduhang Lunes sa Mayo 2029, ug kada unom ka tuig human niini.
Samtang sa laing bahin, nagpadayag na sa kandam ang COMELEC alang sa Disyembre 1 BSKE. Gibarugan sa Commission on Elections (COMELEC) nga madayon na ang pagduso sa Barangay ug Sangguniang Kabataan Elections (BSKE) karong Disyembre 1, 2025.
Matod ni COMELEC Chairman George Garcia, manual counting ang gamiton sa BSKE. Magsugod ang botohan alas-7 sa buntag hangtod alas-3 sa hapon.
Magpahigayon usab ang COMELEC og early voting hours alang sa Senior citizens, Persons with disabilities (PWDs), Mga buntis.
Mahinungdanong mga petsa alang sa BSKE 2025, alang sa Voter registration ipahigayon sa Hulyo 1 hangtod Hulyo 11, 2025. Filing of Certificate of Candidacy (COC)karong Oktubre 1–7, 2025.
Ang pagpalugway sa termino gitumong aron mas epektibong mahatagan og serbisyo ang komunidad, samtang ginapadayon ang paghatag og higayon sa kabatan-onan nga makasalmot sa lokal nga kagamhanan pinaagi sa SK.
