DAVAO CITY – Gibutyag ni Davao City Mayor Inday Sara Duterte-Carpio nga wala pay plano nga lugwayan ang pagpatuman sa Executive Order 31 (EO 31) hinungdan nga ang mga government offices mamahimo na nga makaplano ug ipadayon ang ilang mga aktibidad paghuman ang Agosto 31.
Kahinumduman nga sa milabay nga Mayo ning kasamtangan nga tuig, nagpagula si Mayor Sara ug EO 31 nga nagmando sa barangay, local and national government offices kalakip na ang government-owned and controlled corporation (GOCC) ning dakbayan sa Davao nga ihunong ang pagpahigayon ug in-person non-essential events sama sa government-organized activities nga gilangkuban sa inauguration, anniversary, thanksgiving, ribbon-cutting, blessing, turnover, launching programs, oath-taking, photo opportunity, retirement honors, welcome honors testimonial programs, summer outing, ug team building sugod May 26, 2021 hangtud August 31, 2021 gumikan sa pagsaka sa Covid-19 cases sa siyudad.
Nagpahimangno ang Mayor sa government agencies nga kinahanglan mitamud pa gihapon sa minimum public health standards ilabi na nga nagpabilin pa gihapon ang bahad sa covid-19.
