DAVAO CITY – Nanawagan karon ang mga operators sa mga motorize banca ning dakbayan ngadto sa Marina nga tugutan sila nga dungagan ang pamasahe sa ilang mga pasahero.
Kini human nga hingpit ng gipatuman sa Philippine Coast Guard (PCG) Davao station ang paglimita na lamang sa mga pasahero human ang ulahing insidente sa guimaras-iloilo straigth diin naunlod ang motorize banca hinungdan nga ubay-ubay nga mga pasahero ang namatay.
Sumala sa mga operator sa lantsa kung kaniadto mokita sila ug P7,000 sa ilang biyahe, anaa na lamang sa P5,000 ang ilang kitaon sa kasamtangan.
Hinuon maayo sab sumala pa ang maong lakang sa PCG aron nga masiguro ang kaluwasan sa ilang mga pasahero.
Samtang gibutyag sab ni PCG-Davao station commander Garry Laynesa, aron masiguro nga motamud ang mga motorize banca sa nahisgutan nga kamandoan, magpahigayon ang ilang mga sakop ug inspeksiyon.
Hayan sab sumala pa nga mag-atubang ug kaso ang mga nag-operate sa motorize banca o lantsa sa higayon nga dili kini motamud sa kamandoan.
