Paglikay sa smuggling, tumong sa Culture of Security sa Task force Davao

DAVAO CITY – Isip kabahin sa gipakusog nga Culture of Security sa Task force Davao sa syudad, mapunggan na niini makasulod sa mga utlanan sa syudad ang mga ilegal nga mga kontrabando sama sa mga smuggled nga sigarilyo , pasulod ug pagawas man sa syudad. Kini ang gipasilig sa commander sa maong pwersa nga si Col. Darren Comia nga hugot gipatuman sa mga otoridad ang pagpahigayon og mga checkpoints aron i-check ang sakyanan ug matag indibidwal nga mosulod sa Davao city. Dugang pa niini, nga aktibo usab ang ilang mga alpha informant kinsa maoy mutaho sa ilang buhatan aron malampuson nila kini mababagan sa mga checkpoints.