Samtang sa laing bahin, nagpadayag sa iyahang opinyon si Denmark Suede , usa ka piloto sa mga eroplano, labot sa nahitabong airplane crash sa Jeju Air flight Boeing 737-800 sa South Korea.
Gibutyag niini nga dili sumala pa kini mutuo nga ang usa sa hinungdan sa maong insidente, mao ang usa ka bird strike nga naigo sa eroplano rason nga mibusikad kini sa dihang nakatugpa na sa maong airport.
Gikanayon niini nga sa iyahang panglantaw, aduna matud pay sayop ang piloto niini, gumikan sumala pa sa iyahang nakita sa maong video nga samtang nag emergency landing kini, wala kini siyay nakita nga adunay nagkalayo, rason nga nagaandar pa ang pikas nga makina niini og ang pikas lamang ang adunay depekto.
Dugang pa nga aduna sumala pay nahimong sayop ang mga piloto sa maong eroplano, gumikan paspas matud pa ang pagpadagan niini samtang nag emergency landing, diin karon pa kini sumala pa siya nakakita og ingun ato ka paspas nga pagpadagan sa eroplano samtang nag emergency landing.
Usa matud pa sa nahimong sayop sa mga piloto, mao ang wala niini na pag deploy sa landing gear sa maong eroplano, rason nga wala na kini nakontrola ang kapaspason sa padagan niini.
