DAVAO CITY – Gipasidunggan sa Tagum City LGU ang usa ka mananagat nga nagluwas sa mga na-stranded nga mga personahe sa lokal nga panggamhanan niatong nakalabayng bulan.
Giila ang maong mananagat nga si Carlito Alarcon, Jr., taga-Brgy. Liboganon, Tagum City, Davao del Norte.
Sumala pa, natanggong og pito ka oras sa gisakyang bangka ang mga personahe sa City Agriculture Office human sila naga-patrol sa gibutang nga mga artificial coral reefs sa Brgy. Liboganon dihang gisugat sila sa dagkong balod dala sa habagat season.
Nakapanagat pa sa maong kadagatan si Alarcon niadtong tungura apan nakahimo siya sa pagsalbar sa mga personahe sa CAO gamit ang de-bugsay nga bangka bandang alas-2 sa kaadlawon.
Isip pasalamat ug pag-ila sa iyang pagkabayani, kinasingkasing nga gihatagan ni Tagum City Mayor Rey Uy si Alarcon og usa nga 5.5 Horse Powered nga Gasoline Engine gikan sa Bureau of Fisheries and Aquatic Resources sa Department of Agriculture.
Pinaagi sa nadawat nga bag-ong makina, mas mapapadali na ang pagpangisda ni Carlito ug padayon pa siyang makatabang sa iyang pamilya ug sa katilingban.
via || Bombo LJF
