DAVAO CITY – Mukabat sumala pa sa P475.8 million pundo ang gigahin sa 9 ka mga proyekto sa kalsada dinhi sa dakbayan sa dabaw, samtang P176.6 million nga budget sa 5 ka proyekto usab sa tuig 2021.
Kini ang giluwatan ni Department of Public Works and Highways (DPWH)-11 spokesperson Dean Ortiz diin moluntad matud pa sa hangtud bulan sa Oktubre hangtud na sa mosunod nga tuig ang pagkumpuni sa mga kadalanan ning siyudad.
Kahinumduman nga daghanang motorista ang nagpasibaw sa ilang kadismaya human nga malangan sila sa ilang mga lakaw ug trabaho gumikan kay apektado ang dagan sa trapiko sa pipila ka mga kadalanan sa siyudad gumikan sa gipahigayon nga konstruksiyon.
Pipila sa mga gipatuman nga mga proyekto ang gilangkuban sa road reconstruction, drainage facilities ug ang gikahinaman nga bike lanes project alang sa mga nahiligon nga magbisikleta.
Una ng nasayran kang Ortiz nga anaa sa 14 ka mga road project ang gipatuman karon sa siyudad diin ang pondo nga gigamit niini ang gikan pa sa tuig 2020.
