DAVAO CITY – Dako sumala pa og tabang sa dakbayan sa dabaw ang pagpa legal sa operasyon sa online sabong kung ugaling tugutan na ang operasyon niini dinhi sa syudad.
Diin mamahimo nga makatigum ang kagamhanan gikan sa buhis niini dugang matud pa sa pagpalit og bakuna ug ayuda.
Kini ang giluwatan ni Konsehal Danilo Dayanghirang, kinsa maoy Chairman sa committee on games and amusement ug mao ang miduso sa nahisgutang ordinansa.
Sa pakighinabi sa Bombo Radyo kay Konsehal Danilo Dayanghirang positibo kini nga tugutan ni Mayor Inday Sara Duterte-Carpio ang nasampit nga ordinansa diin ginalantaw matud pa sa Mayor ang seguridad sa tawo ilabi na adunay pipila ka mga inidbiwal ang padayon gihapon nga mag tago-tago aron magpahigayon og sabong diin hingpit kini nga ginadili gumikan sa padayon nga bahad sa Covid-19.
Gitino sab ni Dayanghirang nga karong umaabot nga adlaw’ng lunes Abril 12 sugdan na nila ang pagdungog sa komite sa online sabong.
Gawas niini, gitin-aw sa konsehal nga ang online sabong makakubos sa risgo sa transmisyon kay ang mga sabongero di na kinahanglan nga moadto sa sabongan o mga lugar nga himoon ang tigbakay.
