DAVAO CITY – Gibutyag ni Geroncio Aguio, regional director sa National Commission on Indigenous People (NCIP) nga kinahanglan tun-an pa karon pag-ayo ang ipatuman nga defense system sa mga yutang kabilin sa mga lumad nga nanimuyo sa mga hilit nga dapit sa dakbayan.
Tipik lamang ang pahayag sa mga nahisgutan human nga gihangyo karon sa mga tribal leaders nga mas maayong armasan na ang ilang mga “Bagani” kini gumikan kay mas nasayod na ang mga nahisgutan sa sitwasyon sa bukid.
Kahinumduman nga sagad mabiktima ang mga lumad sa gihimong pagpangharas sa mga rebeldeng grupo ug gina-angkon ang ilang mga ancestral domain.
Gitataw ni Aguio nga kung adunay tukma nga pagbansay sa mga Bagani sa bukid mas masayod ang mga nahisgutan kung unsa ang ilang angayan nga himuon aron nga pabilin nila nga mapanalipdan ang ilang mga yutang kabilin.
