DAVAO CITY – Mihimo na ug pagpanubay ang mga tagdumala sa Lobogan Public Cemetery, sa Toril, ning dakbayan sa Davao labi na atol sa kagabhi-on, labot sa mga tawo nga posibling mosulod sa menteryo.
Kini human nga ang minatay sa usa ka Marciano Anciana, residente sa Manggahan St. , Barangay Bayabas, Toril, ning dakbayan sa Davao gihabwa gikan sa iyang pantyon niadtong Dominggo sa kaadlawon.
Nasayran nga ang biktima tulo ka adlaw pa lamang nga gilubong sa dihang subling gi-ablihan ang pantyon ug gipagawas ang lungon.
Wala’y mahalon nga butang nga gipadala ang kabanay hinongdan nga nahibulong kung ngano nga gipagawas ang lungon ug gisusi.
Nagtuo ang kabanay nga nasaypan lamang ang pantyon sa biktima gumikan kay gi-asume lamang kini, nga bukog na ang sulod niini, ug posibli sumala pa nga tuway-tuway ang toyo sa mga suspek.
Sumala pa kang Bebeng Calima, vendor sa Lobogan, Toril nga nakurat ang katawhan sa dihang nakita ang lungon nga duna pay minatay.
Si Bebeng Calima, vendor sa Toril, Public Market. Hangtud karon tanghaga pa gihapon alang kang Ondo Bayugin, contractor nga tighimo ug pantyon ngano nga nahitabo ang panglungkab sa lab-as pa nga patay.
Sumala pa niya nga kaniadto nauso ang pagpanglungkab ug pantyon aron nga pangkuha-on ang mga tuway-tuway sa patay. Nasayran nga matag gabii wala’y guardya ang menteryo sa Lobogan, Toril.
