DAVAO CITY – Nanawagan si Konsehal Pilar Braga sa Department of Education ug lokal nga panggamhanan nga tun-an ang paggamit ug solar energy sa mga public schools ilabi na sa mga lagyo ug hilit nga mga barangay sa siyudad.
Tipik lamang ang pahayag sa opisyal human ang iyang pagbisita sa Los Angeles nga maoy nakahatag kaniya ug ideya sa paggamit ug solar energy.
Dugang ni Braga nga gawas nga barato, ang solar energy makonsidera sab nga sustainable strategy aron nga makunhuran ang carbon footprint.
Nakahigayon sumala pa pagbisita si Braga sa solar farm nga nahimutang tali sa Nevada ug California diin iyang nakahimamat ang mga Filipino Architects.
Usa sumala pa sa nabisita niini ang Ivanpath Solar Electric Generating System, nga nakatutok sa thermal plant ugt adunay kapasidad nga 392 megawatts.
