DAVAO CITY – Sugod karong adlawa, gihimo nang mandatory ang paggamit sa Safe Davao Quick Response (DQR) diin tumong niini nga mas mapapaspas pa ang pagpahigayon og contact tracing sa Coronavirus Disease 2019 (COVID-19) ingon man nga makontrola sab ang mga non-essential movements sa mga dabawenyo.
Kahinumduman nga ang Safe DQR ang paggagamiton sa publiko ug mga pribadong opisina o dili ba kaha mga establisyemento dinhi sa lungsod.
Subay sa gipagulang executive order 60 sa lokal nga panggamhanan sa Davao, hingpit sab nga ipatuman ang No QR code, no entry policy. Ang QR code ang angayan lamang gamiton alang sa mga essential activities diin hugot ang pahimangno ni Davao City Mayor Inday Sara Duterte-Carpio sa katawhan nga dili abusohon ang paggamit niini aron nga dili kini otomatikong makansela.
Dugang pahimangno sab sa mayor nga dili ipagamit sa uban ang kaugalingong QR code ug likayan gayud ang pagpost o pag share niini sa social media aron nga dili mabiktima sa identity theft o pagkawat personal nga impormasyon sa usa ka indibidwal.
Apan, gitin-aw ni DCPO spokesperson Capt Rose Aguilar, dili pa hingpit mapatuman ang DQR sa mga checkpoints sa syudad gumikan kay ginahulat pa nila ang link nga maoy gamiton sa pag-scan sa kasundlauhan ujg kapulisan pinaagi sa smart phone.
