DAVAO CITY – Gumikan sa nagpadayon nga pagsaka sa Covid-19 dinhi sa dakbayan, nagpagula karon ug Executive order 62 diin magpatuman ug mas hugtanon nga mga sumbanan aron lamang mapugngan ang pagkuyanap sa Covid-19.
Kalakip sa maong kamandoan ang subling pagpatuman sa FM pass kini aron malimitahan ang paggawas sa mga tawo ilabi na kung dili mahinungdanon.
Sa mga naghupot ug FM nga adunay last digit nga 1,3,5,7, ug 9 mamahimo lamang nga makagawas matag adlaw nga Lunes, Miyerkules ug Biyernes samtang kadtong FM pass nga adunay last digit nga 2,4,6 ug 8 ang makagawas panahon sa Martes, Huwebes ug Sabado.
Gawas sa FM pass gikatakda na sab nga ipatuman sa syudad ang QR code kini aron nga mapadali ang ipahigayon nga contact tracing alang sa mga tawo nga posibleng natakdan sa Covid-19.
