Gikahibulong karon sa political analyst nga si Ramon Beleno III ang tumong sa pagsudo sa House Bill 10747 ni House Speaker Martin Romualdez, diin nagtumong sa pagpalugway pa sa termino sa Barangay ug Sangguniang Kabataan Officials ngadto na sa unom ka tuig.
Una nang gikanayon ni Romualdez nga ang tumong sa maong balaodnon mao ang pagsiguro nga mahuman gayud ang mga proyekto ug gipang-saad nga plataporma sa mga opisyal sanglit sakto na ang kadugayon sa unom ka tuig.
Apan sumala pa sa political analyst, dili ma-justify sa maong rason ang kamatuoran nga ang eleksyon lamang ang makatabang sa katawhan sa pagsuta kung angayan pa bang iboto ang usa ka opisyal hilabi pa sa ginapakita niining pagserbisyo.
Mamahimo matud pang problematic ang katas-os sa unom ka tuig hilabi pa kung makatunong og dili maayong opisyal rason nga ubay-ubay sab ka katuigan ang angay labangon ayha paman kini mapulihan.
Gawas pa niini, adunay tulo ka termino ang mga matalagang opisyal rason nga kung ihapon ang kinatibuk-ang ihap sa pag-alagad niini sa katawhan, daghanang katuigan na gayud malukop niini nga maoy makapaaghat usab sa political dynasty.
Dugang pa ni Beleno nga gumikan sa maong sugyot posibleng mas modaghan ang vote buying nga maoy sagad problema sa nasud gawas pa sa pagpili og opisyal pinaagi sa personalidad inay sa mga programa ug plataporma niini.
Sumala pa ni Beleno nga daw maayo ra ang taas nga termino sa mga opisyales nga nagtinarong og serbisyo sa barangay.
Apan, tungod sa mga isyu sa kurapsyon ug dili maayong pagdumala, ang mga residente sa barangay ang makalolooy sa taas nga tuig nga sila ang anaa sa posisyon.
Dugang pa usab niini nga ang mamahimong malipay lamang niini ang mga lider nga adunay personal na interes sa pagdagan ug dili ang paghatag gayud ug sakto ug maayong serbisyo sa katawhan.
