DAVAO CITY – Kakulangon sa mga computers sa mga hilit nga lugar ang nagpabilin nga suliran aron nga iduso ang digital literacy.
Matud pa kang Maryanne Jude Mendoza, partnership manager sa Asia Society for Social Improvement and Sustainable Transformation (Assist), nga usa ka dakong hagit mao ang access sa city centers kini human nga ilang nasayran nga sagad sa mga magtutudlo nga nadestino sa hilit nga mga lugar mogamit lamang ug chalkboard aron nga mapasabot sa mga tinun-an kung paunsa gamiton ang computer.
Gipasabot ni Mendoza nga digital na karung panahona ug wala nay panahon nga mobalik pa sa analog.
Sa kasamtangan, nagsugod na sab sila ug training sa mga public libraries gumikan kay aduna na silay hardware. Nasayran nga ang Digibayanihan usa ka nationwide movement nga nakatutok sa Visayas ug Mindanao areas.
