DAVAO CITY – Gipahibalo ni Health Secretary Jean Rosell-Ubial nga gikatakda ng lagdaan karung semanaha ni Pangulong Rodrigo Duterte ang executive order (EO) nga magdili sa pagpanigarilyo sa tanan nga mga pampublikong lugar sa tibuok nasud.
Matud pa sa kalihim nga gamiton ni Pangulong Duterte ang final ug revised draft sa Department of Health gumikan kay aduna sumala pa kini marching order nga kopyahon ang pagpatuman niini sa dakbayan sa Davao.
Gibutyag sab sa opisyal nga aduna pay mga balaud ug revisions nga gikinahanglan ayha ang pagpatuman niini.
Unod sumala pa sa ipagula nga executive order mao ang pagmando sa tanan nga mga ahensiya sa gobyerno ingon man local government, nga ipatuman ang 100 percent smoking ban sa tanan pampublikong lugar sama na lamang sa mga parke, bus stations, ug mismong sa sulod sa mga sakyanan.
