-- ADVERTISEMENT --
Hingpit na nga mibaliktad si PAGCOR senior vice president Raul Villanueva ug nangayo kini ug pasaylo sa pasangil nga usa ka kanhi hepe sa Philippine National Police (PNP) ang mitabang sa grupo ni Guo Hua Ping, alyas Alice Guo sa pag-eskapo niini sa Pilipinas.
Gihimo ni Villanueva, usa ka retiradong heneral ug kanhi hepe sa communication electronic information service sa Intelligence Service of the Armed Forces of the Philippines (CEISSAFP), ang pagpangayo ug dispensa sa gipahigayong pagdungog sa Senado.
Unang gipahayag ni Villanueva sa nakalabayng pagdungog sa Senado, nakadawat sila ug unverified report nga usa ka kanhi hepe sa kapulisan ang nalambigit sa pag-eskapo ni Guo ug anaa sa listahan sa monthly payroll sa kanhi mayor.
