Gisibog ang gikatakdang arraignment sa aktres nga si Neri Naig sa kasong giatubang niining estafa sa Pasay City Regional Trial Court.
Gikumperma kini sa iyahang abogado gumikan sa natanggong nga mosyon hinungdan gisibog ang pagbasa sa hukom.
Unang gikatakda ang pagbasa sa sumbong kaniadtong Disyembre 3 sa nakalabay nga tuig gumikan kay gihulat pa sa korte ang komento sa kabahin sa prosecution.
Nagpasaka ang kampo ni Naig ug motion to quash batok sa kaso.
Samtang gipahayag usab ni Prosecutor General Richard Fadullion nga gidala na sa Department of Justice ang syndicated estafa batok sa aktres aron kini ang ilahang malantaw.
Depensa usab sa kampo sa aktres nga endorser lamang kini ug walay direktang kalambigitan sa operasyon sa dermcare.
Wala usab mihatag ug bisan unsang pahayag ang aktres nga kauban ang bana nga si Chito Miranda.
