DAVAO CITY – Gipasalig sa lokal nga kagamhanan ngadto sa mga Dabawenyos nga temporaryo lamang ug lauman nga mobalik sa labing madali nga panahon ang swabbing activities sa dakbayan.
Kini ang giluwatang pamahayag ni Dr. Michelle Schlosser, ang spokesperson sa COVID-19 Task Force, human gihunong una ang libreng RT-PCR test alang sa mga tawo nga gikonsederang F2 ug F3 contact sa mga covid positive patients.
Apan, sa karon, dili pa makahatag ang opisyal ug tukmang petsa kanus-a ibalik ang libre nga swab test.
Sumala ni Schlosser, temporaryong gi-limitahan ang Covid 19 RT PCR swan testing ngadto lamang sa mga close contacts o F1 gumikan sa limitadong supply sa detection kits.
Kini ang gawas pa nga kinahanglan usab nga i-repair ang molecular laboratory extraction machine sa mga swab specimens sa Southern Philippines Medical Center (SPMC).
Samtang, gihimo sumala pa ang pag-kumpuni sa SPMC molecular laboratory, ang mga specimens ang i-proseso pinaagi sa Los Amigos Molecular laboratory nga makahimo lamang sa pag-proseso ug 450 specimens matag adlaw, nga mas ubos kung itandi sa kasagarang 1,500 specimens maatg adlaw pinaagi sa gihiusang kapasidad sa duha ka molecular laboratories.
Lauman na usab sumala pa sa publiko ang langay nga pagpagawas sa swab results gumikan sa pag-repair sa SPMC extraction machine.
Sa kasamtangan, gikanayon ni Schlosser nga mamahimong moadto ang matag indibiduwal sa usaka pribadong COVID-19 center o laboratory kung nagkinahanglan gayud kini ug RT-PCR test result, apan kini na ang mobayad.
Gikanayon usab ni Mayor Inday Sara nga dili na kini mopagawas pa ug executive order alang niini, diin bugtong usaka internal agreement lamang ang ilang gihimo tali sa mga health groups.
