DAVAO CITY – Dakong tabang dili lamang sa katawhan kung dili lakip na sa mga frontliners ang subling pagpatuman sa mga hugtanon nga sumbanan sama na lamang sa pagbalik sa FM pass kini aron malimitahan ang lihok sa mga tawo.
Kahinumduman nga mismong ang mga frontliners ang mihangyo kang Mayor Inday Sara Duterte-Carpio mha ipailalom na lamang pagbalik ang siyudad sa Enhance Community Quarantine (ECQ).
Apan una ng gibutyag ni Third District City Concilor Mary Joselle Villafuerte nga sa kasamtangan dili mabutyag sa lokal nga kagamhanan kung ibalik ang pagpatuman niini ilabi na nga aduna pa gihapoy mga dapit sa dakbayan nga ubos lamang ang natalang kaso sa Covid-19.
Una na sab nga nasayran kang retired Col. Emmanuel Jaldon head sa Central 911 nga maihap lamang ang mga barangay nga nakatala ug kaso sa Covid-19 diin sagad niini ang anaa sa downtown area hinungdan nga walay igong rason nga paghugtan pa pag-ayo ang mga polisiya sa dakbayan gumikan sa nagpabilin nga taas nga kaso sa Covid-19.
