Giklaro sa Landbank nga wala angay kabalak-an sa pagbalhin niini sa alokasyon nga P50 bilyones ngadto sa kontrobersyal nga Maharlika Investment Fund (MIF) ingon man matud pa nga “financially stable” kini.
Depensa sa Landbank nga usa usab ka government-owned nga banko, milapas pa kini sa 10% nga minimum required capital adequacy ratio (CAR) sa Bangko Sentral ng Pilipinas (BSP) diin mao ang nagasukod sa financial health sa usa ka bangko.
Gani, bisan pa man nga gibalhin ang P50 bilyones nga capital allocation ngadto sa MIF kaniadtong Setyembre 2024, nagpabilin pa gihapon nga mitungtong kini og above rate sa regulatory requirements nga anaa sa 16.2%.
Sa laing bahin, daghan usab ang mipadangat ug wa miuyon labot niini ingon man nga ang maong lakang usa ka matang sa korapsyon o pagpangabuso.
Kahinumduman nga gipirmahan kini ni Presidente Ferdinand “Bongbong” Marcos Jr. kaniadtong 2022 ug lakip na usab sa miduso niini ang anak niining si Ilocos Norte Representative Sandro Marcos ug ig-agaw nga si House Speaker Martin Romualdez.
