DAVAO CITY – Wala gikabalaka ni House Speaker Pantaleon Alvarez ang gikabalita nga daghanan na nga mga kanhi sakop sa PDP Laban ang motabok sa lain nga mga partido.
Dugang pa ni Alvarez nga bisan kung daghanan ang mga mo-resign padayon sumala pa ang pagkusog sa partido, kung sa National Level ang basihan.
Sumala pa nga sa milabay nga semana napun-an ang PDP Laban human sa gihimo nga mas oath-taking sa bag-o nga mga membro.
Alang kang Alvarez dili hulga ang pagkahimugso sa Hugpong ng Pagbabago ni Davao City Mayor Inday Sara Duterte-Carpio gumikan kay usa kini ka lokal nga partido ug ang gilantaw ni Alvarez mao ang mas daku nga suporta alang kang Pangulong Rodrigo Duterte.
Wala sab tagda ni House Speaker Alvarez aang pagresign ni Davao City Councilor Danny Dayanghirang isip Vice Chairman sa Membership Committee sa PDP Laban.
Sumala ni Alvarez nga gitahud niini ang hukom ni Dayanghirang nga mobiya sa nahisgutan nga committee sa PDP.
