DAVAO CITY – Gipasalig ni Davao City Councilor Conrado Baluran nga dili lamang kasulbaran sa dagan sa trapiko ang mahatagan ug kasulbaran sa pagbalhin sa Davao City Overland Transport Terminal (DCOTT), gumikan kay gilauman sab nga modaku ang kita sa DCOTT.
Nasayran nga niadtong 2017 mikita ug dul-an singkwenta milyones ka pesos ang nahisgutan nga terminal.
Una nang gisugyot ni Baluran nga ibalhin ang Terminal ngadto sa Dumoy, alang sa mga bus nga gikan sa habagatan ug sa Catalunan Pequiño, alang sa mga bus gikan sa Bukidnon ug sa Cagayan de Oro, samtang sa Buhangin alang sa mga bus nga gikan sa amihanan.
Gikatuohan nga kung mabalhin na ang DCOTT maalibyohan ang dagan sa trapiko sa Ecoland diin dout ang mga sakyanan pasulod ug pagawas sa dakbayan.
Tinguha sab ni Baluran nga ka-amyendahan ang Section 4 sa City Ordinance 0192 Series of 1986 nga nagkanayon nga ang tanan nga mga public buses magkarga ug magdiskarga ug mga pasahero sa DCOTT lamang.
