DAVAO CITY – Dili una ihinayon sa Davao City Veterinarian’s Office ang ilang libre nga spay ug neuter service alang sa mga iring ug iro nga gikatakda unta sa Hunyo 3 hangtud 7 sa People’s Park, gumikan sa deklarasyon sa Martial Law.
Matud pa kang Davao City Veterinarian doctor Cerelyn, gikansela nila ang aktibidad isip kabahin sa pagtamud sa mga sumbanan alang sa mga Dabawenyos samtang mipatigbabaw ang balaud militar.
Gikanayong kaabag unta sa City Veterinarian Office sa maong aktibidad ang Philippine Pet Birth Control Center Foundation ingon man Animal Rescue and Rehabilitation and Fostering Davao Incorporated nga gikanayong dili na available sa maong schedule.
Gibutyag ni CVO focal person for Rabies and Control program ug hepe sa Animal Disease Prevention and Control Section nga si Gay Pallar, posibleng nahadlok sumala pa ang mga nahisgutan nga grupo ilabi na nga naggikan pa kini sa Maynila.
Gikanayong wala pay kumpirmasyon sa mosunod nga schedule apan posibleng mahinayon kini human ang 60 ka adlaw nga Martial law.
