DAVAO CITY – Gisugdan na sa lokal nga kagamhanan ang pagbakuna sa mga adults with comorbidity.
Gikanayon ni Dr Josephine Vilalfuerte, Davao City Vaccination chapter head gisugdan na nila ang covid 19 vaccination sa mga naa sa A3 priority list ilabi na niadtong mga nag-edad ug 58 anyos pataas nga adunay comorbidity.
Lakip sumala pa sa mga makonsederang A3 ang mga nag-edad ug 18 – 59 anyos nga adunay kasamtangang sakit nga gibati partikular na kadtong mga nakasinati ug Chronic respiratory disease, cardio vascular disease, chronic kidney disease, cerebrovascular disease, diabetes, hypertension, chronic liver disease, immune deficiency state ug uban pa.
Gikanayon usab ni DOH 11 regional director Annabelle Yumang nga mag-agad sa matag LGU ang pagsugod na sa pagbakuna sa mga adunay comorbidity depende sa kapasidad sa vaccination site niini o kung unsa ka daghan ang makaya niini sa pagbakuna matag adlaw.
aduna na usay nadawat nga report si Yumang nga pipila na ka mga LGUs ang nagsugod na sa pagbakuna sa mga naa sa A3 group.
Samtang, pipila sa mga kinahanglan aron maapil sa A3 priority group ang medical certificate gikan sa doktor, resita sa tambal, hospital records, surgical records ug pathology report.
