DAVAO CITY – Mihatag ug katin-awan si Pediatric infectious disease specialist Dr. Ma. Delta Aguilar nga kinahanglan ipahigayon sab ang pagbakuna sa mga bata batok covid-19 gumikan kay dili sab luwas ang mga nahisgutan sa kagaw.
Sumala pa kang Dr. Aguilar nga adunay sumala pay 1,380 total cases sa mga confirm covid-19 sa mga bata ang natala sa Southern Philippines Medical Center Department sa Pediatrics.
Sa nahisgutan nga ihap, anaa sa 573 ang natala kaniadtong 2020; 669 sa 2021; ug 138 sa 2022.Aduna sab sumala pay record nga 50 ka mga ihap sa mga namatay sa mga bata tungod sa Covid-19 sa nahisgutan nga pasilidad.
Gani ang Covid-19 makaapekto sab sa mental health ug makadugang ug stress ug adjustment sa kinabuhi sa mga nahisgutan.
Sa uban nga pagtuon, mamahimo sumala pa nga makaangkon ug seryoso nga komplikasyon ang mga nahisgutan sa higayon nga ma-infect ang mga nahisgutan sa kagaw.
Pipila sumala pa sa mga kondisyon nga masinatian sa mga bata mao ang paghubag sa pipila ka parte sa ilang lawas sama sa heart, baga, kidneys, utok, panit, mata o gastrointestinal organs.
Kahinumduman nga ang vaccination alang sa 5 hangtud 11 anyos nga roll-out sa Davao Region ang ipahigayon sa Pebrero 14, 2022.
Sumala pa kang Department of Health XI Focal for the Vaccination Program Dr. Janis Olavides nga dungan nga ipahigayon sa tanan nga mga probinsiya, siyudad ug munisiplidad sa rehiyon ang pagbakuna sa mga bata.
Gi-highlight ni Dr. Aguilar nga ang COVID vaccination sa bata ang magsilbi nga cocoon protection alang sa mga wala pa nabakunahan.
