DAVAO CITY – Mikabat na sa 47 ka indibidual ang nakabsan sa kinabuhi human ang grabehang pag-ulan nga nasinatian sa South China partikular na sa Guangdong Province nga miresulta sa grabehang pagbaha og pagdahili sa kayutaan.
Samtang nagpahimangno usab ang mga otoridad nga makasinati og mas daot pa nga panahon ang pipila ka bahin sa maong nasud sa mosunod nga mga adlaw.
Sumala pa sa mikabat na sa 38 ka indibidual ang gikumpirmang nakabsan sa kinabuhi ubos sa hurisdiksyon sa Meizhou City, ug nadugan pa kini sa 9 ka mga indibidual nga gikatahong nakabsan usab sa may susamang dapit.
Sa milabayng semana, nakasinati ang habagatang bahin sa Fujian ug Guangxi Province og pagdahili sa kayutaan og pagbaha human ang kusog nga pag-ulan.
Gani aduna pay usa ka estudyante ang nakabsan sa Guangxi human nga mahulog kini sa sapa nga nga mihumok ang yuta tungod sa kusog nga ulan.
