-- ADVERTISEMENT --
Gipahibalo na sa Philippine Atmospheric, Geophysical and Astronomical Services Administration (PAGASA) ang pagsugod sa panahon sa ting-ulan.Sumala sa PAGASA, ilahang gibase ang maong pahibalo sa labing bag-ong weather analysis ug rainfall data nga gikan sa nagkalain-laing data gathering stations sa tibuok nasud.
Gidugang pa sa nasampit nga ahensya sa miaging lima ka adlaw nga nakatala sila og halapad nga mga pag-ulan tungod sa Southwest Monsoon o Habagat, nga usa ka klaro nga timailhan sa pagsugod na sa ting-ulan sa habagatang bahin sa Luzon ug Visayas.
Nanawagan ang nasampit nga ahensya sa publiko nga mag-amping batok sa epekto sa ting-ulan ug Habagat, ilabi na sa mga lugar nga dali maapektuhan sa pagbaha ug landslide.
-- ADVERTISEMENT --
