DAVAO CITY – Mas gipakusgan pa sa Davao City Police Office (DCPO) ang QR code scanning sa Quaranatine Control Checkpoints sa Dakbayan sa Davao subay sa mando sa kagamhanan.
Sumala sa pamahayag P/ COL. Kirby John Kraft , gawas nga mapadali matud pa ang contract tracing sa Covid-19 makatabang sab kini aron aron nga mapugngan ang crime rate sa syudad.
Kahinumdoman nga ang maong QR Code scanning gisugdan kaniadtong Nobyembre 26, 2020.
Gibutyag sab sa tigpamaba sa DCPO XI nga si P/CPT. Rose Aguilar nga pipila gihapon ang mga wala pay QR Code ug nagmando kini nga mamahimo na mag subsribe sa link nga gihatag sa mga otoridad.
Gani, gawas sa QR code, mangita sab sila ug mga dukumentos lakip na niini ang FM Pass aron masiguro nga essential ang lakaw niini.
Nagalaom ang DCPO nga himuon nga mandatory sa mga LGU ang pagpakita sa mga QR Code gumikan nga matud pa dako kini og tabang nga masuta gilayon ang mga krimen sa Dakbayan.
