DAVAO CITY – Mihatag ug katin-awan si Davao City Mayor Inday Sara Duterte-Carpio nga dili anti-poor ang pagpatuman sa Executive Order 53 (EO 53) nga nag-require sa mga pasyente nga i-refer sa usa ka hospital sa siyudad nga magdala ug negative Covid-19 reverse transmission-polymerase chain reaction (RT-PCR) test result.
Sumala sa Mayor, ang EO 53 nagtumong nga maprotektahan ang mga healthcare workers nga dili mataptan sa Covid-19.
Kahinumduman nga nakadawat ug daghanang pagsaway ang maong EO gumikan kay dugang palas-anon sumala pa kini ug dugang gasto lamang sa mga ma-admit sa hospitals.
Una ng gibutyag ni Dr. Jack Estuart, medical director sa Brokenshire Hospital nga sukad 1994 hangtud 2010, dili na matud pa kinahanglan ang EO 53 gumikan ka yang mga balay tambalanan adunay kaugalingon nga Covid-19 policies ug gipangandaman na ang susama nga lakang.
Kahinumduman nga una ng gimando sa Mayor kaniadtong Hulyo 22 ang mandatory negative RT-PCR tests nga gikuha sa 72 hours ayha ang pag-abot sa pasahero sa eroplano dinhi sa dakbayan.
Apan kung wala sumala pay dala nga RT-PCR test himuon sumala pa kini nga libre sa lokal nga kagamhanan bisan kadtong dili taga dakbayan sa Davao.
