DAVAO CITY – Padayon nga nagpahimangno si Mayor Inday Sara Duterte-Carpio nga mas modako ang bayaran sa pasahero sa higayon nga masikop kini nga mo-presenta og peke nga swab test result.
Kini luyo sa kanunay nga pahimangno nga dili mosumite ug peke nga mga RT-PCR test, aduna pa gihapoy pipila ka mga indibidwal ang madakpan gumikan sa susama nga kalapasan.
Kahinumduman nga mikabat na karon sa 79 ang ihap sa mga nadakpan sa Davao International Airport gumikan sa peke nga Reverse transcription-polymerase chain reaction (RT-PCR) test result.
Kahinumduman nga gibalik karon ang pagpa-presenta ug negative RT-PCR test sa mga pasahero isip lakang sa siyudad aron nga mapugngan ang pagsaka sa Covid-19.
Kanunay sab sumala pa nga mag-igmat ang mga pasahero ug dili mokuha ug barato nga RT-PCR test nga lugar diin kini gikan tungod sa posibilidad nga peke kini.
Kahinumduman nga ang pag-presenta ug peke nga Rt-PCR test mamahimong mag-atubang ug kalapasan sa City Ordinance Number 0477-21 o ang mandatory testing.
