DAVAO CITY – Pipila ka adlaw sukad nga gipatuman ang registration sa Safe Davao QR (DQR) Code dinhi sa dakbayan, pipila sa mga dabawenyos ang dismayado ug nagpasibaw sa ilang kalagot sa online human nga nalisdan pa gihapon sila sa pagparehistro gumikan sa technical glitches.
Sagad sa gi-atubang nga suliran mao ang lisud nga pag-abli sa link nga gihatag sa lokal nga kagamhanan bisan pa man nga adunay stable internet connection.
Lisud sumala pa ablihan ang page ug molungtad pa ug pipila ka minuto ayha mo-abli.
Samtang adunay pipila ang malampuson nga maka-abli sa website apan pakyas nga makasulod sa mosunod nga step.
Pakyas sab sumala pa ang uban nga makadawat ug one-time password (OTP) bisan nga nakompleto na ang registration process.
Una ng gibutyag ni Mayor Inday Sara Duterte-Carpio nga sayud siya nga nakasinate karon ug technical glitches ang website apan gipasalig niini nga ang data nga anaa sa DQR system ang luwas ug wala sumala pay uban nga ahensiya hawas sa City Health Office (CHO), ang maka-access niini nga gamiton isip contact tracing.
Gibutyag sab ni Dr. Ashley Lopez, Davao City Vices Regulation Unit (VRU) ug Department of Health (DOH)-Davao City Covid-19 Focal Person, nga gihimuan na matud pa karon ug pamaagi sa Davao City Information Technology Center (CITC) ang problema sa system.
