DAVAO CITY Gikumpirma sa NBI 11 nga mipahigayon na sa pag-otopsiya ang ilang forensic team ngadto sa patayng lawas ni Amierkhan Mangacop.
Kini human mitugot ang pamilya Mangacop nga i-exhume ang patay nga lawas ni Amierkhan aron ipa-ilalom sa autopsy.
Kahinumduman nga miduso ug pormal nga hangyo pinaagi sa sulat ang pamilya Mangacop alang sa pag-otopsiya ngadto sa buhatan sa NBI 11.
Na-una nang nagduha-duha ang pamilya sa maong lakang gumikan sa religious ug cultural reasons, apan sa tumong nga makab-ot ang hustisya alang sa kamatayon sa 19 anyos nga biktima misugot ang mga kabanay sa Mangacop nga kaluton ang patay nga lawas niini.
Gikanayon ni NBI 11 Investigatibe Agent Juhary Guro nga pinaagi sa autopsy masayran ang direksiyon sa bala nga miigo sa lawas sa biktima.
Subay sa mga nakuhang hulagway adunay contusion collar o duol nga distansiya lamang sa pagpamusil nga dili mosobra sa 6 ka pulgada nga distansiya.
BY BOMBO ANGIE CAGAS
