Malinawon ug hapsay ang inisyal nga assessment sa Philippine National Police (PNP) sa kinatibuk-ang obserbasyon sa Holy Week Exodus karong tuiga.
Sumala kang PNP Chief PGen. Jose Melencio Nartatez Jr., walay natala nga dagkong insidente nga nakaapekto sa kinatibuk-ang selebrasyon sa Lenten Season.
Matud niya, nagpabiling prayoridad sa kapulisan ang luwas nga pagbalik sa mga biyahero human sa kapin usa ka semana nga ilahang gigahin alang sa pagpamalandong ug paghinumdom.
Dugang pa, gipahayag ni Nartatez nga isip kabahin sa ilahang paghatag og bili sa kaluwasan ug kahapsay, magpadayon ang pagdeploy sa dul-an 98,000 ka miyembro sa PNP sa nagkadaiyang lugar.
Kini nga mga pwersa gipakatag sa mga , transportation hubs, ug mga pangunahing kalsada sa nasud.
Human niini, nagpahimangno usab ang hepe sa mga motorista nga magpabiling kalmado sa ilang pagbiyahe ug likayan ang mga insidente sa road rage.
Samtang, magpadayon usab ang taas nga alerto sa Pambansang Pulisya aron masiguro nga hapsay ug malinawon ang biyahe sa mga pasahero ug luwas silang makauli sa ilahang mga panimalay.
