DAVAO CITY – Nanawagan karon ang usa ka law group nga “ImagineLaw” sa lokal nga kagamhanan ug law enforcement agencies nga hugtanon ipatuman ang pag-ban sa mga smoking ug vaping sa government offices, public ug mga enclosed spaces aron nga makunhuran ang kaso sa COVID-19.
Una ng gibutyag ni ImagineLaw Executive Director atty. Sophia San Luis ang LGU ug law enforcement agencies ang nahimo na sumala pa nga “lax” sa pagpatuman sa smoking ban.
Gitataw sab ni San Luis nga ang mga kanhi ug kasamtangan nga nanigarilyo ang mas makaangkon sumala pa ug grabe nga COVID-19.
Mas maayo sumala pa nga palig-onon pa ang immunity sa publiko batok respiratory diseases aron malikayan nga ma-expose ang mga bata sa tobacco ug vape exposure.
Angayan sumala pa nga kadtong nanarbaho sa gobyerno ang magsilbi nga maayong ehemplo sa publiko sa pagprotekta sa panglawas.
Nasayran nga nanawagan sab karon ang ImagineLaw sa DOH nga i-re-launch ang ilang education campaign sa pagpatuman sa pag-ban sa sigarilyo ug vaping.
