Nagpahimangno ang PAGASA ngadto sa publiko nga ang La Niña magpabilin nga masinatian sa Pilipinas sa unang kwarter ning tuiga, diin magdala kini og mga pag-ulan ug mga bagyo.
Ang La Niña usa sumala pa ka natural nga panghitabo nga nagpasabot sa pag-bugnaw sa tubig sa dagat sa Pacific, nga maoy magdala og kusog nga hangin ug dugang ulan sa mga nagkadaiyang dapit sa Pilipinas.
Gipakita sa PAGASA nga ang kabugnaw sa dagat nga nagsugod niadtong Setyembre 2024 magpadayon hangtod Marso 2025, ug magpataas sa posibilidad sa mga bagyo ug pagbaha, ilabi na sa Bicol, Visayas, ug Mindanao.
Gipahimangnoan sa PAGASA ang publiko ug lokal nga mga gobyerno nga mag-andam sa mga balay, siguruhon ang drainage, ug mag-monitor sa mga weather updates.
Gipahinumduman sab ang tanan nga magbantay ug mag-andam ang mga komunidad sa mga kalamidad nga posibleng mahitabo.
