DAVAO CITY – Kanunay ang pahimangno sa Philippine Atmospheric Geophysical and Astronomical Services Administration (PAG-ASA) nga alerto sanglit padayon nga masinatian ang mga pag-ulan ilabi na panahon sa kagahaponon ug kagabhi-on.
Sumala pa kang Lolita Binalay, sa Pag-asa Davao, ang mga pag-ulan sa dakbayan ug pipila ka bahin sa Davao region ug Mindanao ang hatud sa Easterlies ug Inter-Tropical Convergence Zone (ITCZ).
Namatikdan sab sumala pa karon ang Low Pressure Area (LPA) nga mamahimong makaapekto sa nasod sa higayon nga makasulod na kini sa Area of Responsibility (AOR).
Gipasabot sab sa nahisgutan nga magdepende sumala pa sa weather system o oras kanus-a masinatian ang mga pag-ulan apan sagad kini nga mahitabo panahon sa kahaponon.
Gikanayon sab niini nga ang ITCZ mabati panahon sa kahaponon o kagabhi-on kini tungod sa init nga temperatura panahon sa kabuntagon diin paspas usab ang ang evaporation
