-- ADVERTISEMENT --
DAVAO CITY – Wala pa makasulod ang ting-init apan gikatala na sa PAG-ASA ang pinaka-init nga kahimtang sa panahon sa rehiyon.
Sumala sa ahensya nga niadtong Sabado Marso 25 ang giila nga pinaka-init nga kahimtang sa panahon ug pinaka-init nga temperature, sukad niadtong Enero ning kasamtangan nga tuig.
Nasayran gikan kang Weather Observer Honey Perez mi-abot sa 40 degrees celcius ang ka-init sa panahon sa rehiyon. Giklaro ni Perez nga dili pa sila maka-deklara ang summer gumikan kay anaa pa ang presensya sa Northeast Moonson o amihan.
Nagpahimangno sab ang mga health authorities sa rehiyon nga likayan ang labihan nga pagbulad sa init aron nga mahalikay sa sunburn, heat stroke, heat crumps, ug heat exhaustion.
