DAVAO CITY – Posibleng tugutan na ang pag-angkas ug motor dinhi sa dakbayan sa Dabaw.
Kini human gibutyag ni Mayor Inday Sara nga ipadala niya karong adlawa ang sulat labot niini, ug kung sulod sa usaka semana kung walay tubag niini ang Inter Agency Trask force (IATF) maghimo na ang syudad ug kaugalingon nga local guidelines alang sa pag-angkas sa motor.
Dugang gikanayon sa Mayor nga hangtud karon pabiling walay nadawat nga guidelines ang syudad alang sa pag back ride sa mga motorsiklo.
Kahinumduman nga gidili na ang pag-angkas ug motor sa tibuok nasud aron malikayan ang pagtakod sa COVID 19, apan nanawagan ang publiko nga subling itugot ang motor backride ilabi na karon nga gamay lamang sa mga pampasaherong jeep ang nakabyahe.
