DAVAO CITY – Wala’y makasulod nga mga sakyanan, lakip na ang motorsiklo sa Magsaysay Park Ugmang adlawa. Kini gumikan sa himoon nga paghimo nga penal sa pagpanghinlo ug pagpatahum sa parke ug pagpangandam sa pag-abli sa kasaulogan sa 33rd Kadayawan sa Davao Festival karong Biernes.
Magtinabangay ang mga ginsakpan sa Ancillary Services Unit, City Transport and Traffic Management Office (CTTMO) ug City Environment and Natural Resources Office (CENRO) ugmang adlawa.
Sumala pa kang Alejandro Alilin, Officer-In-Charge sa Parke nga alang sa seguridad, ipagawas ang tanan nga mga sakbayan gikan sa parke ugmang adlawa.
Samtang atol sa pag-abli sa 33rd Kadayawan Festival limitado lamang ang mga sakyanan nga pasudlon sa parke, gumikan kay saisenta ka mga sakyanan lamang ang kaya nga mapahimutang sa parking lot niini.
Ang Gate 1 o ang main gate ang mamahimong entrance sa tanan nga mga sakyanan ug sa mga tawo, samtang ang gate 3 nga pabor sa Sta. Ana Police Station ang magsilbe nga exit.
Ang Gate 2 o ang Gate atbang sa Fire Station gamiton kung dunay emergency.
Gipahugtan ang seguridad sa dapit pinaagi sa pagpahimutang ug dugang CCTV Camera, ug duna sa’y gipahimutang nga dugang police ug mga sakop sa Task Force Davao ug uban pa nga mga force multiplier, labi na nga gilauman ang pagdugok sa daghanan nga mga tawo atol sa pag-abli sa Kadayawan sa Davao.
