DAVAO CITY – Gibutyag ni Davao City Mayor Inday Sara Duterte-Carpio nga posibleng gikonsidera sa Inter-agency Task Force (IATF) ang padayon nga pagsaka karon sa covid-19 dinhi sa dakbayan sa Davao hinungdan nga planong ibalik ang siyudad sa pagpailalom sa General Community Quarantine (GCQ) paghuman sa Hulyo 15.
Kahinumduman nga una ng gibutyag sa Mayor nga nakadawat siya ug advance information gikan sa IATF nga nagkanayong ibalik ang siyudad sa GCQ gumikan sa pagsaka sa kaso apan paningkamutan sumala pa sa siyudad nga mahatag ang data nga gipangayo sa IATF aron nga ikonsidera ang hangyo sa dakbayan nga ipabilin lamang una ang pagpailalom sa MGCQ.
Apan kung dili sumala pa tugtan ang apela sa dakbayan, mihangyo ang Mayor sa publiko nga balikon na lamang ug review ang mga guidelines nga unod sa General Community Quarantine (GCQ) nga una ng gipatuman sa dakbayan sa milabay nga bulan.
