DAVAO CITY – Padayon ang focus internal cleansing sa hut-on sa kapolisan nga sakop sa Davao City Police Office (DCPO).
Kini ang gihatgagan ug mkatin-awan ni DCPO Spokesperson PSI Maria Teresita Gaspan nga ang internal cleansing gimando mismo ni Police Senior Supt. Alexander Tagum aron nga dili na masubli pa nga ang kapolisan sa dakbayan sa Davao mamahimong kahimanan sa mga sindikato o kaha sa mga bandido.
Subay niini gitimbaya sa kadumalahan sa DCPO ang kaundalohan ug kapolisan sa Bohol nga mao ang nakadakop sa opesyal sa kapolisan nga nakigkonsabo sa grupo sa Abu Sayyaf sa Bohol.
Daghan ang nagtuo nga si Police Supt. Maria Christina Nobleza deep penetration agent (DPA) ngadto sa bandidong Abu Sayyaf, apan ang uban nagtuo nga nahigugma lamang gayud ang nahisgutan nga opesyal sa kapolisan nga assistant Director sa Crime Lab Davao.
Bisan ang DCPO nakurat sa mga panghitabo sa Bohol ug sa pagka-dakop ni Police Supt. Nobleza.
