Gibarugan ni eight-division boxing champion Manny Pacquiao nga dili lamang exhibition ang iyahang umaabot nga rematch batok kang Floyd Mayweather Jr..
Kini misunod sa pahayag sa US undefeated boxing champion nga exhibition lamang ang maong sangka ug dili maapektuhan ang ilahang mga rekord sa boxing.
Sumala ni Pacquiao, aduna na silay gipirmahan nga kontrata nga nagpakita nga kini usa ka professional boxing match.
Gibutyag sa kanhi senador nga sukad pa sa sinugdanan, ang iyahang tinguha mao ang paghatag sa mga fans sa ilahang gusto usa ka tinuod ug propesyonal nga away.
Naglaum usab siya nga masabtan ug mahatagan og katin-awan sa kampo ni Mayweather alang sa ilahang pag-usab nga panag-atbang.
Kahinumduman nga unang nagkasangka ang duha niadtong 2015 diin nagdaog si Mayweather.
Gikatakdang ipahigayon ang ilang rematch karong bulan sa Setyembre sa Las Vegas.
