DAVAO CITY – Tanghaga pa gihapon ang kamatayon ni Rheyn Mark S. Tubato, 21 anyos, residente sa San Antonio, Reverside, Sasa, ning dakbayan sa Davao labot sa kamatuoran nga mi-ambak kini gikan sa 5th Floor sa usa sa mga mall sa dalang Bajada, ning dakbayan sa Davao.
Kini gumikan kay wala’y na-recover nga suicide note gikan sa biktima, bisan ang social account niini wala sab maghisgot labot sa paghikog. Bisan sa pagpatomar niini ug tambal sa iyang amahan mipasalig kini nga mobalik.
Bisan sa ig-agaw niini nga si alyas Grace wala sab kini mihisgot labot niini.
Hinoon ang Sta. Ana Police Station padayon pa sa ilang pagpanubay aron sa pagseguro nga wala’y foul-play ang kamatayon sa biktima.
Apil nga ilang i-review mao ang mga kuha sa CCTV gikan sa pag-abli hangtud na sa pagkahulog sa biktima sa salug sa Atrium sa Mall. Nakalitan bisan ang iyang mga kabanay sa nahitabo.
Si Ate Beng nga kauban nila sa balay, daw dili pa gihapon makatuo sa panghitabo, labi na sa dapit diin kini giingong mi-ambak.
