Gikwestyun karon ni PBGen. Nicholas Torre III ang reaksyon sa mga KOJC members alang sa pagmuntar nila og checkpoint lakip na ang bag-ohay lamang nga pag-jogging sa ilang mga personahe duol sa ilang compound sa may Buhangin, ning dakbayan.
Sumala pa sa opisyal, daan nang adunay gipangmuntar nga checkpoint sa maong lugar sukad pa kaniadtong 1980’s rason nga dili na bag-o ang ilang ginapahigayon nga checkpoint.
Gawas niini, giklaro sab sa opisyal nga kalakip kini sa naga-jogging sa maong dapit diin sukwahi sa ginabutyag sa KOJC nga matud pa, labing makalooy lamang ang mag pulis nga wala pay tulog ug kaon nga naga-jogging aron lamang sundon ang kamandoan sa ilang General.
Sigon pa ni Torre, walay mahimo ang pabalik-balik nga pagsaway sa mga KOJC members hilabi pa sa kamatuoran nga adunay warrant ang pastor ug ginapangita gayud kini sa balaod.
Bisan paman sa ginabutyag nilang invalido ang mga dokumento, dili matud pa gihapon nila malimod nga usa na mga ginapangita ang kasamtangang anaa sa kustodiya sa mga otoridad karong panahona.
Sa pikas bahin, nihatag sab og katin-awn si Torre kabahin sa ginabutyag sa KOJC nga pagpangharras kanila.
Matud pa ni Torre, kung galing tinood man nga nakapangharass ang mga kapulisan, kahibulongan kaayo ang pagpakahilom lamang sa laing pang mga establishemento sa lugar.
Sa kinaulahian, gipahingusgan ni Torre ang kamatuoran nga matubag lamang ang tanang alegasyon sa higayong itahan na sa pastor ug upat pa niining kaubanan ang ilang mga kaugalingon.
