DAVAO CITY – Mahinayon na sulod karung tuiga ang P740-million rehabilitation project alang sa Agdao public market.
Matud pa kang Davao City Council committee chair on games and amusement and government enterprises and privatization Edgar Ibuyan Jr.
Naghulat na lamang sa Department of Agriculture (DA) ang ipagula ang project fund.
Gikanayong tulo ka hugna ang ipahigayon nga rehabilitasyon sa nahisgutan nga palengke aron nga dili maapektohan ang panginabuhian sa mga manindahay.
Gitino sab ni Ibuyan nga kung matapos na ang pagkumpuni, walay ipahamtang nga pagsaka sa bayrunon sa mga nagrenta ug stalls.
Nasayran nga i-convert na ang palengke sa three-storey building, diin aduna nay porsiyon alang sa air-conditioned offices sa City Economic Enterprises ug City Environment and Natural Resources (Cenro).
Gitataw sab ni Ibuyan nga wala misugot si Davao City Mayor Inday Sara Duterte nga abagahon sa lokal nga panggamhanan ang gastuhon sa maong proyekto gumikan kay usa sumala pa kini ka budget sa National agency.
Gibutyag sab sa Konsehal nga mihangyo sumala pa ang mga vendors sa Agdao public market ug moratorium sa gipatuman nga mga bayrunon sanglit wala sumala pa milambo ang mga pasilidad sa palengke sa milabay nga mga katuigan.
Sa kasamtangan, gikonsulta na matud pa ang maong hangyo sa mga vendors ngadto kang committee on finance, ways and means chair Danilo Dayanghirang.
