DAVAO CITY – Kumpiskado ang anaa sa P700,000 nga kantidad sa mga smuggled nga sigarilyo atol sa gimuntar nga checkpoint sa may Lubogan Road, Barangay Lubogan, Toril District, Davao City, pasado alas 3:55 sa hapon, kagahapon.
Sigun sa report sa Toril Police Station, miagi ang mga dinakpan nga giilang sila alyas “Franklin” 58 anyos; ug alyas “Venzar” 24 anyos, pulos mga residente sa Sta. Cruz, Davao del Sur, nga sakay sa usa ka minivan karga ang maong mga smuggled nga produktong sigarilyo.
Gikataho sab nga walay gipakitang legel nga dokumento ang mga dinakpan maong gikuha ang kapin 1,200 ka ream sa Winnsboro, ug 300 ka ream nga peke nga Marbles nga gibana-banang mukabat sa P700,000 ang kantidad niini.
Diretso tanggong ang mga dinakpan sa Toril Police Station nga mag-atubang og kasong pagsupak sa Republic Act 10863 kon Act Modernizing the Customs and Tariff Administration.
via || Bombo LJF
